Rusiyanın Volqoqrad şəhərində polis yerli kriminal avtoritetə qarşı cinayətdə şübhəli bilinən şəxsləri saxlayıb.

Axar.az İzvestiya.az-a istinadla xəbər verir ki, saxlanılanlar Daxili Qoşunlarda müqavilə əsasında xidmət edən üç nəfərdir.

Hazırda hər üç şəxs istintaqa ifadə verir. İstintaq zamanı məlum olub ki, hərbi qulluqçulardan bizi avtoritet-biznesmen Aleksandr Frolovla əlbəyaxa olub və öz xidmət yoldaşlarını çağırmaqla onu cəzalandırmaq istəyib.
Onlar avtoritetə ümumilikdə odlu silahdan 17 dəfə atəş açıblar. Frolov hazırda 4 güllə yarası ilə reanimasiyaya yerləşdirilib. Həkimlər onun vəziyyətini ağır qiymətləndirir.