ABŞ Mərkəz Komandanlığı (CENTCOM) İŞİD-ə qarşı mübarizədə Birləşmiş Ortaq İş Qüvvəsini (Combined Joint Task Force – CJTF) yaradıb.

Axar.az xəbər verir ki, Birləşmiş Ortaq İş Qüvvəsinin general-leytenant Ceyms Terrinin komandirliyində ABŞ hərbi personalı ilə birgə 30 ölkədən olan personaldan yaradıldığı bildirilib.

Dekabrın 2-3-də İŞİD-lə mübarizə mövzusunun müzakirə olunduğu konfransda verilən açıqlamada ABŞ və koalisiya tərəfdaşlarının İraq və Suriyada bu vaxta qədər 1200 hava hücumu təşkil etdiyi bildirilib.

Xatırladaq ki, ABŞ ordusuna aid hərbi təyyarələr dekabrın 5-8-i arası Suriyada İŞİD yaraqlılarına havadan 15 dəfə hücum edib. İraqda isə ABŞ və tərəfdaş ölkələrə aid hərbi təyyarələr eyni günlərdə 31 hava hücumu həyata keçiriblər. Bütün bu hücumlarda İŞİD-ə aid döyüş mövqeləri, ağır texnika və binalar hədəf alınıb.