Rusiya Dövlət Dumasında gizli müşavirə keçirilib.

Axar.az xəbər verir ki, bu barədə "Vahid Rusiya" fraksiyasının sədr müavini Frans Klinseviç məlumat verib.

Gizli müşavirədə Ukraynadakı durum müzakirə edilib. Konkret olaraq gündəmdə olan məsələ isə Ukraynada vuruşan könüllü rusiyalıların statusu, onların ailələrinə ödəniləcək olan kompensasiyalar olub.

İclas qapalı formatda keçirilib və rəsmən Rusiya Silahlı Qüvvələrinin fəaliyyətinin qanunverici təminatına həsr edilib.

Rusiya Federasiyası Kommunist Partiyasının komitə üzvü Vladimir Bessonovun sözlərinə görə, iclasda Ukraynada olan Rusiya turistlərinin durumu da ələ alınıb.

Donetskdə 34200 insanın savaşda iştirak etdiyi və onların əksəriyyətinin də qanunsuz hərbiləşdirilmiş qruplarda savaşanlar olduğu bildirilib.