Rusiya hüquq-mühafizə orqanlarının Mahaçqalada həyata keçirdikləri anti-terror əməliyyatı zamanı iki terrorçu məhv edilib.

Axar.az xəbər verir ki, bu barədə Mahaçqala polisindəki mənbə məlumat verib.

"Gecə İrçi Kazak və Yaqarski küçələrinin kəsişməsində hüquq-mühafizə orqanları verilən məlumat əsasında "Toyota Kamri" avtomobilini axtarış aparmaq məqsədilə saxlayıblar. Lakin avtomobildən onlara atəş açılıb. Cavab atəşi nəticəsində avtomobildə olan iki nəfər öldürülüb. Bir polis də yaralanıb", - mənbənin verdiyi məlumatda bildirilib.

Öldürülənlərin Murad Məmmədov və Marat Bolatxanov adlı şəxslər olduğu müəyyən edilib.