Yuxarı

"Türk desantı Krımda rusları məhv edəcəkdi..."

Ana səhifə Planet
12 Punto 14 Punto 16 Punto 18 Punto

Rusiyanın ən qalmaqallı siyasətçisi, Rusiya Liberal Demokrat Partiyasının (LDPR) sədri Vladimir Jirinovski "Komsomolskaya Pravda" qəzetinə müsahibə verib. Siyasətçi müsahibəsində rublun sürətlə ucuzlaşmasından, geosiyasi vəziyyətdən danışıb. Jirinovski müsahibəsində Azərbaycanla da bağlı fikirlər səsləndirib.

Publika.azın ixtisarla çap etdiyi müsahibəni təqdim edir.

- Vladimir Volfoviç, qapınızın üzərinə qəribə elan vurulub - "Əllə görüşmək və öpüşmək qadağandır".

- Alimlər sübut edib ki, əllə görüşəndə insandan insana mikrob keçir. Bundan çoxdan şübhələnirdim, indi isə əminəm. Hələ görüşəndə adamı öpənlər də var. Ən çox kazaklar və keşişlər. Öpüşərkən insana 150 növ mikrob keçir. Deməli, hər gün əllə görüşüb öpüşsən, mütləq xəstələnəcəksən.

- Pul ilə daha çox mikrob keçir...

- Doğrudur, iaşə obyektlərində əllərini çirkli pula vururlar, sonra kolbasa doğrayırlar...

- İndi isə rubl haqqında... Ucuzlaşıb, xalq xarici valyuta axtarır, saxlayır. Nə baş verir?

- 1998-ci ildə rubl 4 dəfə ucuzlaşmışdı. İndi isə hələlik 40 faiz ucuzlaşıb. Əlbəttə, bu, ABŞ və Səudiyyə Ərəbistanının bizə qarşı oyunu ola bilər. Digər tərəfdən, Rusiyanı tamam zəiflətmək ABŞ-ın marağında deyil. Rusiya zəifləsə Avropa İttifaqı və Çin güclənəcək. Rusiya olmasa, ABŞ 3 cəbhədə tək döyüşməli olacaq - Avropa İttifaqı, Çin və İslam dünyası ilə.

- Sadə insanlar düşünür ki, Krım indi bizimdir. Bu əladır. Ancaq rubl düşür, qiymətlər qalxır. Buna dəyərdimi?

- Bunlar Krıma görə deyil. Bu, sadəcə səbəbdir. Soyuq müharibə başlayıb. Rusiya iqtisadiyyatı dinc dövrdə çox güclənir. Bu isə ABŞ-ı qorxuya salır. Çin, Hindistan, Braziliya, Türkiyə, İran, bütün Orta Asiya Şanxay Əməkdaşlıq Təşkilatının bayrağı altda olmaq istəyir. Amerikalılar bu oyunu başladılar ki, iqtisadi müharibədə Rusiyanın qonşu ölkələrdə nüfuzu azalsın. Bunun öhdəsindən gəldilər. Ancaq əsas odur ki, biz Krımı əldən vermədik. Ora ikinci Donbasa çevriləcəkdi. Türk desantı Krım tatarları geyimində bütün rusdilliləri məhv edəcəkdi.

- Qiymətlər durmadan artır. Nə etməli?

- Qiymətlər neftin ucuzlaşmasına görə artır. Özümüz günahkarıq. İqtisadiyyatı neftdən asılı etmək olmaz. Aqrar sahəni qaldırmalıyıq. Torpaqlarımızın cəmi 40 faizini əkib-becəririk. Diqqəti ora yönəltmək lazımdı.

- Bəs nə qədər dözməliyik?

- Dükanlar ərzaqla doludur, anbarlar da. Gedib Çilidən çaxır, yaxud da Yunanıstandan konyak gətirmək lazım deyil. Sifariş verin, Orta Asiya, Azərbaycan, Krasnodar vilayəti sizə nə qədər istəsəniz, konyak və çaxır göndərər.

- Amma mən Çili çaxırını sevirəm...

- Get Avropaya, orda Çili çaxırı iç. Mən çəkmə arağa keçmişəm. Dostlarım 5 butulka göndərib.

- Deyirsiniz ki, soyuq müharibə başlayıb. Bundan əvvəlki soyuq müharibə necə bitdi yaxşı bilirik...

- Soyuq müharibə Rusiya iqtisadiyyatı üçün yaxşı stimuldur. Elm inkişaf edəcək, sənayemiz yenidən dirçələcək.

- Bəlkə, Novorossiyanın müstəqilliyini tanıyaq. Niyə uzadırıq?

- ABŞ-ın istədiyi budu. Onda Rusiya-Ukrayna müharibəsi başlayacaq. Milyonlarla ukraynalı və rus öləcək, şəhərlər dağılacaq. Amerikalılar bu ərazilərdə ikinci Vyetnam görmək istəyir.

- Çıxış yolu nədədir?

- Hələ ki görmürəm....

Tarix
2014.12.11 / 11:35
Müəllif
Axar.az
Digər xəbərlər

İlham Əliyevdən COP29-la bağlı açıqlama

Konstitusiyadan bu ifadə çıxarılmasa, sülh olmayacaq!

Prezident Aleksandr Vlaskampı qəbul etdi

Simonyandan Qarabağ etirafı: Azərbaycanın ərazisi olub...

Azərbaycanın BRİKS-ə qoşulmaq istəyi... - Hacıyev

İtkin düşmüş bir neçə azərbaycanlının taleyi... - BMT rəsmisi

BRİKS-lə əməkdaşlıq Bakının maraqlarına cavab verir - Səfir

General işdən çıxarıldı, vəzifəsi ona həvalə edildi

Bakı ilə Brüssel arasında siyasi məsləhətləşmələr oldu

İsrail Azərbaycan əsilli 7 İran casusunu həbs etdi

KULT
<>
Xəbər xətti
Axar.az'da reklam Bağla
Reklam
Bize yazin Bağla