"O zamankı Çeçenistan rəhbəri Cövhər Dudayev və Rusiya məmurları SSRİ-də böyümüşdülər və bir-birini çox gözəl başa düşə bilərdilər".

Axar.az "Kavkaz-uzel.ru"ya istinadən xəbər verir ki, bu açıqlama ilə rusiyalı ekspert Axmed Yarlıkapov çıxış edib.

O, Çeçenistan müharibəsinin başlanğıcında Dudayevin heç bir separat niyyətlərinin olmadığını bildirib:

"Moskva onunla dialoq aparmalı və işi hərbi əməliyyatlar səviyyəsinə çatdırmamalı idi. Dudayevlə olan konflikt sülh yolu ilə həll etmək mümkün idi. General olan Dudayev anlayırdı ki, Rusiya ilə güclər bərabər deyil və ona qarşı müharibə aparmaq tamamilə mümkünsüzdür. Amma müharibənin başlandığı şəraitdə, düşünürəm ki, o, prosesi daha az idarə etməyi bacarırdı. Çeçenistan cəmiyyəti ayrılıb və xaricdə çeçen diasporu fəaliyyət göstərir. Müharibədən sonra xalqda böyük travma var".

Qeyd edək ki, Birinci Çeçen Müharibəsi 1994-cü il dekabrın 11-də başlayıb. Çeçenistanın məşhur lideri olan Cövhər Dudayev və çeçen döyüşçüləri məhz bu müharibə zamanı Rusiyaya ağır zərbələr endirərək, ölkə içərisində hələ indiyə qədər də ölməyən bir xof yaratmağı bacarmışdılar.