16:43

Soçidə Rusiyanın Xarici İşlər naziri Sergey Lavrovla ABŞ Dövlət katibi Mayk Pompeo arasında danışıqlar başlayıb.

Axar.az xəbər verir ki, bu barədə RİA yazıb.

XİN rəhbərlərinin gündəmində ikitərəfli münasibətlər, strateji sabitlik və silahsızlaşdırma, İranla imzalanmış nüvə sazişi, Venesuela, Suriya, Ukrayna və Koreya yarımadasındakı vəziyyətlə bağlı məsələlər var.

Qeyd edək ki, bu, XİN rəhbərlərinin may ayında sayca ikinci görüşüdür.

***

ABŞ Dövlət katibi Mayk Pompeo ilə səmimi şəkildə Venesuelanı müzakirə etdim.

Bu sözləri Rusiya Xarici İşlər naziri Sergey Lavrov deyib.

O bildirib ki, ölkəsi böhranın həlli üçün Venesuelada daxili dialoqdan yanadır:

“Rusiya qəti şəkildə bəyan edir ki, məhz Venesuela xalqı özünün gələcəyini müəyyən etməlidir və bu mənada ölkədəki siyasi güclər siyasi dialoqa başlamalıdır. Hakimiyyət, Nikolas Maduro bu dialoqa hazırdır".