Ana səhifə Planet |
Avropalıların yarısı hesab edir ki, Avropa Birliyi yaxın 20 ildə parçalanacaq.
Axar.az xəbər verir ki, bu nəticə “YouGov” sosioloji xidmətinin keçirdiyi sorğudan sonra ortaya çıxıb.
Məlumata görə, Almaniya, Fransa, Belçika, İtaliya, Niderland, Avstriya, Slovakiya, Rumıniya, Yunanıstan, Çexiya və Polşadan olan sorğu iştirakçıları bu fikrin müəllifi olublar. AB-nin gələcəyinə ən az inamı olan vətəndaşların Slovakiyada (66%) yaşadığı bəlli olub. Avropanın gələcəyinə ən çox inam bəsləyən ölkələr sırasında İsveç, Danimarka və İspaniya yer alıb.
Sorğu iştirakçılarının üçdə biri həmçinin gələcəkdə AB ölkələri arasında hərbi konfliktlərin yarana biləcəyini iddia edib. Fransanın Milli Cəbhə Partiyasının tərəfdarlarının 46%-i, Almaniya üçün Alternativ Partiyasının 41%-i bu fikrin reallaşacağına inandığını söyləyib.
Bununla belə, respondentlərin 92%-i AB-nin parçalanmasından uduzacağını iddia edib.
Tarix
2019.05.16 / 17:39
|
Müəllif
İlkin Həsənov
|