2019.05.17 - 09:12

ABŞ Prezidenti Donald Tramp Türkiyəni inkişaf etməkdə olan ölkələr üçün nəzərdə tutulan güzəştli proqramdan çıxarıb.

Axar.az xəbər verir ki, bu barədə Tramp özü açıqlama verib.

Tramp qeyd edib ki, Türkiyə iqtisadi baxımdan bu proqramda nəzərdə tutulan səviyyədən daha üstün mövqeyə qalxıb. Tramp martın 4-də Konqresi sözügedən məsələ barədə məlumatlandırdığını, lazımi prosedurlar görüldükdən sonra Türkiyənin inkişaf etməkdə olan ölkələrə tətbiq edilən güzəştli GTS proqramından çıxarıldığını deyib.

Ağ Ev rəhbəri qərarın 17 maydan etibarən qüvvəyə mindiyini bəyan edib.

Tramp həmçinin Türkiyədən polad idxalına tətbiq edilən 50 faizlik rüsumu 25 faizə endirib.