Körpülər dünyada ən maraqlı strukturlardan hesab olunur. Bəziləri nəhəng ölçülərdə, üstündən qatarların, yük maşınlarının keçdiyi beton, asma quruluşa sahib, bəziləri də kəndirlərlə hazırlanmış, təkcə bir adamın keçə biləcəyi adrenalin dolu strukturlardır.

Axar.az dünyanın ən təhlükəli 5 körpüsünü təqdim edir:

1. Trift körpüsü, İsveçrə

Təsəvvür etdiyiniz qədər qorxulu olmayan Trift körpüsü Alp dağları arasında ən uzun asma körpüdür.

2. Keşva Çaca, Peru

Keşva Çaca İnkalara aid salamat qalan sonuncu kəndir körpüdür. İnkalar ətrafda olan bitkilərdən hazırladıqları kəndirləri körpü istehsalında istifadə ediblər.

3. Namçe Bazar körpüsü, Nepal

Nepalın şimal-şərqində yerləşən 3.440 m uzunluğunda olan bu körpü xüsusilə Everestə çatmaq istəyənlərin istifadə etdikləri əsas körpülərdəndir.

4. Hüseyni körpüsü, Pakistan

Pakistanda yerləşən bu körpü Hunza vadisində yaşayan insanlar tərəfindən qonşu kənd və qəsəbələrə getmək üçün mütəmadi istifadə olunsa da, xaricdən gələn ziyarətçilər körpünü keçməyə cəsarət etmirlər.

5. Qasa asma körpüsü, Nepal

Nepalda olan Qasa asma körpüsü mütəmadi olaraq dar yollardan aşağı-yuxarı hərəkət edən heyvan sürülərinin yaratdığı sıxlığın qarşısını almaq məqsədi ilə qurulan olduqca uzun asma körpüdür. Bu körpüdən keçənlər dəhşətli həyəcan yaşayırlar.