Rusiya Prezidenti Vladimir Putin Fransa dövlət başçısı Emmanuel Makronla və Almaniya kansleri Angela Merkellə telefon danışığı aparıb.

Axar.az xəbər verir ki, bu barədə Kremlin rəsmi saytı məlumat yayıb.

Liderlər mühüm beynəlxalq məsələləri müzakirə ediblər.

Belə ki, Ukraynadakı son vəziyyət, o cümlədən hakimiyyət dəyişikliyi ilə bağlı fikir mübadiləsi aparılıb.

Ukrayna münaqişəsinə (Donbas və Luqansk) toxunan hər üç dövlət rəhbəri sülhün təminatı kimi Minsk razılaşmasının alternativinin olmadığını qeyd ediblər.

Putin, Makron və Merkel həmçinin İran və Suriyadakı son siyasi vəziyyətlə də bağlı müzakirə aparıblar.