Ana səhifə Planet |
Bir neçə gün əvvəl Ermənistanın məşhur oliqarxlarından birinin villasında Qarabağ generalları və erməni oliqarxlarının gizli görüşü baş tutub.
Axar.az xəbər verir ki, bu məlumatı “Jamanak” qəzeti yayıb. Qəzet görüşü qondarma rejimin müdafiə nazirinin keçmiş müavini Samvel Karapetyanın təşkil etdiyini bildirib.
İddiaya görə, görüşdə tərəflər Paşinyanın devrilməsi məsələsini müzakirə ediblər. Görüşdə Paşinyanın bir müddət əvvəl xüsusi güzəştlərlə təmin etdiyi oliqarx Samvel Aleksanyanın da iştirak etdiyi vurğulanıb.
Qeyd edək ki, Samvel Karapetyan “Oqanov Samo” ləqəbi ilə tanınır. Qarabağdakı döyüşlərin aktiv iştirakçısı olub. Horadiz əməliyyatında ordumuzun gülləsinə tuş gələrək ağır yaralanıb və yalnız 3 günlük əməliyyatdan sonra onun həyatını xilas etmək mümkün olub.
Tarix
2019.05.23 / 14:33
|
Müəllif
İlkin Həsənov
|