Vladimir Zelenskinin nitqindəki ziddiyyət yeni hökumətə qarşı nikbin yanaşmamı yoxa çıxardı.

Axar.az xəbər verir ki, bu sözləri ukraynalı rusiyayönlü müxalif siyasətçi Viktor Medvedçuk deyib.

Medvedçuk Zelenskinin öz inauqurasiyasında Donbasda atəşkəsə nail olmaq üçün vəzifəsini və reytinqini itirməyə hazır olduğunu açıqladığını xatırladıb. O bildirib ki, Zelenski bundan sonrakı çıxışında ABŞ nümayəndə heyətini Rusiyaya qarşı sanksiyaları genişləndirməyə dəvət edib.

“Bunu necə başa düşək? Biz Moskva ilə razılıq əldə etməliyik. Həmçinin Donetsk və Luqanskla razılaşmalıyıq. Bunun üçün isə Rusiyaya qarşı sanksiyaları gücləndirməliyik?” - Medvedçuk bildirib.