Sudan müxalifətinin “Azadlıq və dəyişiklik uğrunda güc” alyansı 28 və 29 may tarixlərində ölkədə ümumi tətil elan edib.

Axar.az xəbər verir ki, müxalif alyansın yaydığı məlumatda tətilin dövlət qurumları, özəl sektor və şirkətlərdə başlaması, iki gün davam etməsi və oturaq aksiya üçün meydanlara çıxmaq çağırışı edilib.

Tətil və aksiyaların bütün ölkəni əhatə etməsi nəzərdə tutulur.

Qeyd edək ki, Sudanda hərbi çevriliş 4 aylıq etirazlardan sonra 11 apreldə baş tutub. Ömər əl-Bəşir hakimiyyətdən uzaqlaşdırılıb və həbs edilib.

Hərbi Şura hakimiyyəti iki il müddətinə xalqın seçdiyi rəhbərliyə təhvil verməyi öhdəsinə götürüb. Buna baxmayaraq, müxalifət dərhal siyasi hakimiyyətin formalaşmasını tələb edir.