Rusiya Müdafiə Nazirliyi Kalininqrad vilayətində qoşunların hərbi hazırlığının yoxlanılması çərçivəsində hərbi təlimlər keçirib.

Axar.az xəbər verir ki, bu barədə Rusiya Silahlı Qüvvələrinin Baş Qərargahının Baş Əməliyyat İdarəsinin rəisi Andrey Kartapolov məlumat verib.

Onun sözlərinə görə, təlimlər dekabrın 5-dən 10-a kimi davam edib və Qərb Hərbi Dairəsinin qoşunlarının hərbi hazırlığının yoxlanılması və regionun təhlükəsizliyinin təmin olunması məqsədilə keçirilib.

Təlimlərə 9 min nəfərlik şəxsi heyət, eləcə də 642 hərbi texnika cəlb olunub. Bundan başqa ayrı-ayrı qoşunların birləşmə, hissə və bölükləri, döyüş və hərbi-nəqliyyat təyyarə və helikopterlərinin ekipajları, Baltik Donanmasının gəmiləri təlimlərdə iştirak edib.