Drezdendə Almaniyanın islamlaşdırılması əleyhinə nümayiş keçirilib.

Axar.az RİA Novosti-yə istinadla bildirir ki, aksiyada 15 min nəfər iştirak edib.

Aksiyanı mühacirət qanunlarının sərtləşdirilməsi çağırışları ilə çıxış edən sağçı Pegida hərəkatı "Patriot avropalılar Qərbin islamlaşdırılması əleyhinədir" şüarı altında keçirib. Onun üzvləri Avropada müsəlmanların sayının artmasından narazıdırlar.

Buna paralel olaraq kütləvi aksiyanın əleyhdarlarının da nümayişi keçirilib. Drezdendə 6 minə yaxın adam mühacirlərə qarşı dözülməz münasibətə etiraz ediblər. Bu aksiyanı isə "Nasistlərsiz Drezden" birliyi təşkil edib.

Mitinqləri mindən çox polis müşayiət edib. Qanun pozuntuları və təxribat haqqında məlumat verilmir.