Latviya Krımın işğal olunmasından sonra yarımadadan ayrılan Ukrayna Silahlı Qüvvələrinin hərbi qulluqçularının uşaqlarına 3,5 tonluq humanitar yardım göndərib.

Axar.az xəbər verir ki, bunu Ukrayna Müdafiə nazirliyinin spikeri Viktoriya Kuşnir söyləyib.

O, humanitar yardımın Nikolayev şəhərində xidmət edən hərbçilərin ailələrinə verildiyini deyib:

"Beynəlxalq humanitar yardım çərçivəsində Ukrayna Silahlı Qüvvələrinin Krımdan didərgin edilmiş hərbi qulluqçuların uşaqları Latviya Respublikasından 3,5 tonluq yardım alıb. Ümumi dəyəri 25 min avro olan humanitar yardım Nikolayev şəhərində hərbi xidmət keçən hərbçi ailələrinə verilib".