Kərkükdə silsilə teraktlar törədilib.

Bu haqda məlumatı Axar.az-a İraq Türkman Cəbhəsinin lideri Ərşad Salehi verib.

Onun sözlərinə görə, törədilən 7 partlayış nəticəsində 3 şəhid, 17 yaralı var:

“Biz dəfələrlə İŞİD-in bu torpaqlarda güclənmək istədiyini, Kərkükdə təhlükəsizliyin daha ciddi şəkildə qorunmalı olduğunu dilə gətirmişik. Hazırda burada vəziyyət çox gərgindir. Amma hər kəsə aydın olsun ki, Kərkükü bazarlıq obyektinə çevirmək istəyən şəxslər buna nail olmayacaq. Çox pis hadisələr baş verəcək. Şəhidlərə Allah rəhmət etsin, yaralılara isə şəfa diləyirik”.

İraq media nümayəndələrinin yaydığı məlumata görə isə İŞİD artıq Kərkükə sızmağa nail olub.