Praqa Şəhər Məhkəməsi Serj Sərkisyanın qardaşı oğlu Narek Sərkisyanın Ermənistana ekstradisiyasının mümkünlüyü haqqında qərar qəbul edib.

Axar.az xəbər verir ki, bunu jurnalistlərə açıqlamasında Praqa Şəhər Məhkəməsinin mətbuat katibi Marketa Puçi deyib. O, ekstradisiya ilə bağlı yekun qərarı Çexiya ədliyyə nazirinin qəbul edəcəyini bildirib.

Puçi nazirin məhkəməyə zidd qərar qəbul edəcəyinə inanmadığını deyib.

Qeyd edək ki, Sərkisyan dekabrda Praqada həbs edilmişdi. Rəsmi İrəvan Praqadan onun təcili ekstradisiyasını istəmişdi. Buna səbəb kimi Sərkisyanın qanunsuz narkotik dövriyyəsində iştirak etməsi göstərilmişdi.