İngiltərə və ABŞ-ın ittifaqı dünyanın gördüyü ən böyük ittifaqdır.

Axar.az xəbər verir ki, bu sözləri ABŞ Prezidenti Donald Tramp İngiltərə Baş naziri Tereza Mey ilə görüşdən sonra keçirdikləri birgə mətbuat konfransında deyib.

Donald Tramp ABŞ və Böyük Britaniya arasında tarixi əlaqələri yüksək qiymətləndirdiyini bildirib.

Tereza Mey iki ölkənin gələcəkdə əməkdaşlığını davam etdirmək üçün böyük potensiala sahib olduğunu bildirib. O deyib: "Bizim böyük bir ortaqlığımız var, lakin daha da irəliyə gedə bilərik. Bu, yaxşı bir ticarət sazişi ilə mümkündür".

Qeyd edək ki, Böyük Britaniya Avropa İttifaqını tərk etdikdən sonra digər ölkələrlə sərbəst ticarət razılaşmaları əldə edə bilər.