1986-cı ildə Çernobıl AES-də baş vermiş qəzaya həsr olunan eyniadlı serialda zənci aktyorun rol almamasına sərt reaksiya göstərən ingilis ssenarist Karla Maridən sonra sosial şəbəkədə onun fikirlərinə dəstək olaraq kampaniya başlayıb.

Axar.az xəbər verir ki, məsələ ilə bağlı Rusiya Müdafiə Nazirliyinə bağlı “Zvezda” televiziyası araşdırma aparıb və Çernobıl faciəsinin nəticələrinin aradan qaldırılması üçün xidmət aparan İqor Xiryak adlı zəncini tapıb.

İqor Xiryak Çernobılda göstərdiyi xidmətlə bağlı xatirələrini “Zvezda”ya danışıb:

“Əsgər idim. Çernobıl faciəsinin nəticələrini aradan qaldırmaq üçün oraya göndərildim. Fasiləsiz olaraq, 2,5 ay Çernobılda xidmət etdim. Biz gəmilərin keçidini və körpünün işlək vəziyyətdə qalmasını təmin edirdik. Nüvə stansiyasındakı körpüdə də çalışdıq, giriş-çıxışları yoxladıq”.

Sonda isə Xiryak Çernobılda xidmət aparması nəticəsində boğaz yanığı və xərçəng xəstəliyinə tutulduğunu bildirib.