Rusiya 2021-ci ildə başa çatacaq Strateji Silahların Azaldılması Razılaşmasından (START) imtina edir.

Publika.az xəbər verir ki, bu barədə Rusiya prezidenti Vladimir Putin açıqlama verib.

Sankt-Peterbuqrda keçirilən Beynəlxalq İqtisadi Forumda (SPIEF 2019) çıxış edən prezident bildirib ki, razılaşmadan çəkilmək üçün hazırlıqlar aparılır.

“ABŞ-ın raketlərlə bağlı razılaşmadan çəkilməsi qlobal təhlükəsizliyi sual altında qoyur. Beynəlxalq silah nəzarəti sisteminin çökməsi məsələsində ciddi risk mövcuddur”-, Putin bildirib.

Qeyd edək ki, START 8 aprel 2010-cu ildə prezident Dmitri Medvedev ilə amerikalı həmkarı Barak Obama arasında imzalanmışdı.

ABŞ Konqresi prezident Donald Trampa ünvanladığı yazılı məktubda razılaşmanın müddətinin uzaldılmasını tələb etmişdi.