Hər il 125 min 5 yaşa qədər uşaq qida mənşəli xəstəliklərdən dünyasını dəyişir.

Axar.az xəbər verir ki, bu barədə məlumatı Ümumdünya Səhiyyə Təşkilatının Azərbaycandakı nümayəndəliyi qeyd edib. Təşkilat onu da bildirib ki, il ərzində insanlar arasında təxminən 600 milyon qida mənşəli xəstəlik qeydə alınır:

“Bu gün Ümumdünya Qida Təhlükəsizliyi Günüdür. Təhlükəsiz və faydalı qidalara əlçatanlıq dayanıqlı və sağlam həyat tərzi üçün vacib amildir. Qida mənşəli xəstəliklər səhiyyə sistemi üçün çətinlik yaradaraq, milli iqtisadiyyata, turizm və ticarətə zərər verir və sosial-iqtisadi inkişafa əngəl olur. Hər il dünyada hər 10 nəfərdən biri çirkli qida yeyəndən sonra xəstələnir. Avropa regionunda hər 1 dəqiqədə 44 nəfər çirklənmiş qida məhsullarının istehlakı nəticəsində xəstələnir. Bu isə ildə 23 milyon nəfər deməkdir”.