Türkiyənin əldə edəcəyi S-400 raketləri hücum deyil, müdafiə xarakterlidir.

Axar.az xəbər verir ki, bu sözləri rusiyalı ekspert Aleksey Leonkov yunan nazir Evangelos Apostolakisin S-400-lərlə bağlı narahatlığını şərh edərkən deyib.

O, bir zamanlar yunanların da Rusiya müdafiə sistemi aldığını xatırladıb:

“S-300 alan müdafiə naziri hazırda iqtidarda deyil. O hökumət də hakimiyyətdən gedib. Böyük ehtimalla, Yunanıstan S-300 aldığını unudub. İndi isə Türkiyə hava məkanını qorumaq üçün S-400 alır”.

Qeyd edək ki, E.Apostolakis çıxışında Türkiyənin əldə edəcəyi S-400-ün müdafiə deyil, hücum xarakterli olduğunu və havada uçan istənilən obyekti vuracağını bəyan etmişdi.