12:19

Türkiyənin Diyarbəkir şəhərində axtarışda olan və başına 300 min lirə qoyulan terrorçu öldürülüb.

Axar.az xəbər verir ki, bu barədə məlumatı Türkiyə Daxili İşlər Nazirliyi yayıb.

Məlumatda qeyd olunur ki, Diyarbəkirin Licə rayonunda keçirilən əməliyyat nəticəsində iki terrorçu məhv edilib. Araşdırmalar zamanı məlum olub ki, ölən terrorçulardan biri uzun zamandır axtarışda olan və tapılması üçün 300 min TL mükafat qoyulan Osman Gülən adlı şəxsdir. Osman Gülən terrorçular arasında “Civan” kod adı ilə tanınırıdı.

***

Terrorla mübarizə çərçivəsində Türkiyənin Tunceli bölgəsində həyata keçirilən əməliyyatlarda "boz kateqoriya"da yer alan 23 yaşlı terrorçu Mehriban Durmaz zərərsizləşdirilib.

Bu barədə Türkiyə Daxili İşlər Nazirliyinin yaydığı bəyanatda qeyd edilib.

Məlumata görə, uzun zamandır ki, axtarışda olan və tapılması üçün 300 min TL (50 min dollar) mükafat qoyulan "Berfin Ararat" kod adlı terrorçu Mehriban Durmaz Tuncelidə terrorçuların mağarasına təşkil edilən əməliyyat zamanı məhv edilib.

Mehriban Durmazla yanaşı, daha 4 qadın terrorçu zərərsizləşdirilib.