Aralıq dənizinin şərqində ABŞ-ın müxtəlif strateji maraqları var.

Axar.az xəbər verir ki, bunu ABŞ Dövlət katibinin Avropa və Avrasiya məsələləri üzrə müavini Matev Palmer deyib. O, sözügedən bölgənin enerji qaynaqları baxımından əhəmiyyətinin getdikcə artdığını bildirib.

Palmer ABŞ-ın bölgədəki anlaşmazlıqların sülh yolu ilə həll edilməsinin tərəfdarı olduğunu, həll yolu tapılarsa, energetika daxil olmaqla bir çox sahədə əməkdaşlığın mümkün olacağını bildirib:

“İki hissəli, iki toplumlu federal bir həll yolu tapılması regional əməkdaşlığa və sülhə fayda verəcək. Biz tərəflərin müzakirə mərhələsinə bağlı qalacağından və daimi həll yolunu taparaq əməkdaşlıq şəraiti yaradılacağından ümidliyik”.

Qeyd edək ki, Aralıq dənizinin şərqindəki yataqlara Türkiyə ilə bərabər, Cənubi Kipr də iddia edir.