ABŞ-ın F-35 hərbi təyyarələrindən istifadə edərək Türkiyəni şantaj cəhdləri bir işə yaramayacaq.

Axar.az xəbər verir ki, bunu ABŞ Müdafiə nazirinin müavini Ellen Lordun "Türkiyə S-400 tədarükünü həyata keçirsə, F-35 almayacaq" sözlərinə münasibət bildirən rus senator Frants Klintseviç bildirib.

O deyib ki, ABŞ hər zamanki kimi şantajla məşğuldur:

“Amerikalıların bütün səylərinə baxmayaraq, "Şimal Axını-2" layihəsində olduğu kimi, bu cəhdləri də bir işə yaramayacaq. Belə bir hal baş verməyəcək, çünki bir çox ölkələr indi siyasi spekulyasiyaya boyun əyməyərək, milli maraqlarını ön planda saxlayır".

Qeyd edək ki, ABŞ Müdafiə nazirinin müavini Ellen Lord Türkiyənin Rusiyaya S-400 komplekslərinin öyrənilməsi üçün hərbi mütəxəssislər göndərməsinə ölkəsinin təəssüf etdiyini və Türkiyənin S-400 tədarükünü həyata keçirəcəyi halda F-35 almayacağını deyib.