Moldova Prezidenti İqor Dodon Pavel Filipin parlamenti buraxmaq haqqında dekretini ləğv edib.

Axar.az xəbər verir ki, bunu Dodon Moldova Ali Təhlükəsizlik Şurasının iclasında çıxışı zamanı deyib.

“Filipin dekreti konstitusion normalara uyğun deyil. Bu dekretin ləğvi haqqında əmr imzaladım”, – deyə o bildirib.

Qeyd edək ki, Konstitusiya Məhkəməsi bundan öncə Pavel Filipi prezidentin səlahiyyətlərinin müvəqqəti icraçısı təyin edib. Hazırda ölkə hakimiyyəti iki yerə bölünüb. Belə ki, bir tərəfdə Dodon, yeni hökumət və parlament, digər tərəfdə isə Demokratik Partiya və onun nəzarət etdiyi keçmiş hökumət yer alıb.