Patrik Şanahanın Pentaqon rəhbərliyinə təyin edilib-edilməməsi məsələsində ABŞ Prezidenti Donald Trampda şübhə yaranıb və bu səbəbdən yeni namizəd axtarışına çıxıb.

Axar.az xəbər verir ki, bu barədə NBC məlumat yayıb. Bildirilib ki, Normandiya əməliyyatının 75 illiyi ilə bağlı keçirilən tədbirdə Tramp bu mövzunu qaldırıb.

Ağ Ev rəhbəri 3 nəfərin Şanahan barədə fikirləri ilə maraqlanıb. Sözügedən 3 nəfərdən birinin ordu rəhbəri Mark Esper olduğu deyilir.

Xatırladaq ki, Ceym Mettisin Pentaqon rəhbərliyindən getməsindən sonra Şanahan bu vəzifəni müvəqqəti olaraq icra edir.