Avropa Birliyinə üzv olan bütün ölkələrin Oman körfəzindəki hərbi gərginlikdən qaçması lazımdır.

Axar.az xəbər verir ki, bunu Avropa Birliyinin baş diplomatı Federika Moqerini deyib.

O bildirib ki, əks təqdirdə vəziyyət çox təhlükəli həddə çatacaq.

Qeyd edək ki, bir neçə gün əvvəl Oman körfəzində “Front Altair” və “Kokuka Courageous” adlı iki neft tankerinə hücum olub. Partlayışdan sonra tankerlərdən birinin ekipajı İran hərbçiləri, digəri isə ABŞ hərbçiləri tərəfindən xilas edilib.

ABŞ tankerlərə hücumun məsuliyyətini İranın daşıdığını bildirib.