Moldova Demokratik Partiyasının rəhbəri, ölkənin boz kardinalı Vladimir Plaxotnyuk ailəsinə görə ölkədən qaçıb.

Axar.az xəbər verir ki, Plaxotnyuk bunu jurnalistlərə açıqlamasında deyib.

“Mənə özümün və ailəmin təhlükəsizliyini təmin etmək lazımdır. Övladlarım, ailəm qorxub və özlərini təhlükəsizlikdə hiss etmirlər. Bununla belə, ailə vəziyyətim mənim üçün ciddi maneə olmayacaq. Bundan sonra müxalifətdə aktiv işləmək qərarı vermişik”, - o bildirib.

Qeyd edək ki, Moldovanın Demokratik Partiyasına bağlı olan siyasətçi və biznesmenlər ölkəni tərk etməyə başlayıblar.

Son bir neçə gün ərzində Kişinyovdan 3 şəxsi təyyarə havaya qalxıb və Moskva, Odessa və Londona eniş ediblər. Ölkəni tərk edənlərdən biri də oliqarx, Demokratik Partiyanın lideri Vladimir Plaxotnyuk olub.