Ermənistandan maliyyə vəsaitlərinin axını yüksək olaraq qalmaqda davam edir.

Axar.az xəbər verir ki, bu məlumatı “Faktinfo” yayıb. Məlumata görə, hakimiyyət dəyişikliyindən sonra bu proses zəifləmək yerinə daha da güclənib. Sayt son dörd ay ərzində ölkədən bank sistemi vasitəsilə fiziki şəxslərin 397 milyon dollar vəsait apardıqlarını bildirib:

“Bu, hər ay üçün 100 milyon dollar təşkil edir. Bu, iqtisadiyyat və maliyyə sistemi üçün ciddi rəqəmdir. Ən aktiv pul köçürmələri apreldə qeydə alınıb. Bu ay ərzində Ermənistan bank sistemləri vasitəsilə 110 milyon dollar ölkədən çıxarılıb. Bu, keçən ilin analoji dövrüylə müqayisədə 17 milyon çoxdur”.