Ermənistan hava hücumundan müdafiə qüvvələrinin təlimi start götürüb.

Axar.az xəbər verir ki, bu məlumatı Ermənistan Müdafiə Nazirliyi yayıb. Nazirlik təlimə qondarma rejim qüvvələrinin də cəlb edildiyini açıqlayıb. Təlimin hədəfinin radiolokasiya kəşfiyyatının, birləşmiş idarəetmə və zenit atəş sisteminin effektivliyinin, döyüş hesablamaları hazırlığının səviyyəsinin artırılması olduğu bildirilib.

İrəvan təlimə S-300, S-125, OSA-AK, Strela-10, İqla-S və “Verba” sistemlərinin cəlb edildiyini bildirib.

Qeyd edək ki, Ermənistan tərəfi təlimin öz ərazisi, yoxsa Azərbaycanın işğal edilmiş Qarabağ zonasında keçirilməsini açıqlamayıb.

İyunun 17-də Qarabağ separatçıları komanda-qərargah təlimlərinə başlayıb.