Parlamentlərarası Pravoslav Assambleyasının iclasının pozulması radikallar tərəfindən əvvəlcədən düşünülmüş aksiya idi.

Axar.az xəbər verir ki, bunu “RİA Novosti” agentliyinə açıqlamasında Rusiya Dumasının deputatı, Tiflisdə baş verən iğtişaşlarda əsas fiqur olan Sergey Qavrilov deyib. O, radikalların bunu Rusiya ilə Gürcüstanın münasibətlərini çətinləşdirmək üçün etdiklərini bildirib:

“Məncə, bu aksiyanın hədəfi Rusiya ilə münasibətləri çətinləşdirmək, münasibətlərin güclənməsi imkanlarını yox etmək, Gürcüstanın pravoslav dəyərlərinə zərbə endirmək idi. Hesab edirəm ki, bu, əvvəlcədən düşünülmüşdü”.

Qavrilovun iddiasına görə, guya Tiflisdə ona qarşı gerçəkləşdirilən aksiya ingilisdilli təlimatçılar tərəfindən idarə edilib. O, etirazçıların əvvəlcədən hazırlanmış plakatlarının olduğunu və assambleyanın iclasının sadəcə etiraz üçün bəhanə olduğunu bildirib.