20:48

Türkiyə ilə Naxçıvanı birləşdirən Dilucu gömrük keçid məntəqəsində həyəcanlı anlar yaşanır.

Axar.az "Yeni Akit"ə istinadən xəbər verir ki, gömrük məntəqəsinin ərazisində əl istehsalı partlayıcı qurğu aşkarlanıb. Dərhal sərhəddə giriş-çıxış qapıları qapadılıb. Ərazidəki insanlar təxliyə edilib, təhlükəsizlik zolağı çəkilib. Partlayıcının məhv edilməsi üçün bölgəyə sapyorlar cəlb edilib.

Hər ehtimala qarşı əraziyə təcili tibbi yardım heyəti də göndərilib.

***

Türkiyə-Naxçıvan sərhədində aşkar edilən şübhəli paket məhv edilib. Belə ki, partlayıcı qurğu planlı bir şəkildə partladılıb.

Təhlükə aradan qalxan kimi Türkiyə-Naxçıvan nəqliyyat yolu keçid üçün açılıb.