)Texnologiyanın inkişafı bəzi risklər yaradır. Kiberhücumlar nəticəsində dünya iqtisadiyyatında itkilərin bu il 2,5 trilyon dollara çatacağı gözlənilir. Afrika qitəsindəki bütün ölkələrin daxili maliyyələşməsi 2,5 trilyon dollara bərabərdir.

Teleqraf.com xəbər verir ki, bu sözləri Rusiya Baş naziri Dmitri Medvedyev Moskvada keçirilən Beynəlxalq Kibertəhlükəsizlik Konfransında çıxışı zamanı bildirib.

Kiber hücumların yaratdığı təsirə diqqət çəkən baş nazir xatırladıb ki, Yer kürəsində 4 milyard insan internetdən istifadə edir: “5 milyard insanın istifadəsində isə mobil telefon var. Mobil telefon və internetin dünya əhalisinin hamısını əhatə edəcəyinə şübhə yoxdur”.

Kiber hücumlar səbəbindən qlobal iqtisadiyyatın itkilərinə işarə vuran Medvedev buna misal kimi dünya iqtisadiyyatında itkilərin 2,5 trilyon dolları aşması proqnozunu göstərib.

Baş nazir bəzi ölkələrin Rusiyaya güvənmədiyini və bu səbəbdən də kiber təhlükəsizlik sahəsində əməkdaşlığın olmadığını da əlavə edib.