Rəsmi London Vaşinqton xahiş etsə belə, İranla müharibədə ABŞ-a qoşulmayacaq.

Axar.az xəbər verir ki, bunu Britaniyanın Xarici İşlər naziri Ceremi Hant bəyan edib.

Onun sözlərinə görə, ABŞ Böyük Britaniyanın ən yaxın müttəfiqidir, buna görə tərəflər daima bütün xahişləri diqqətlə öyrənir.

“Mən onların müharibə ilə bağlı hər hansı addım atmağımızı xahiş etmələrini və ya bizim buna razılaşmağımızı təsəvvür edə bilmirəm”, - deyə Hant bildirib.

XİN rəhbərinin sözlərinə görə, Böyük Britaniya hesab edir ki, İran nüvə sazişinin saxlanılması və Yaxın Şərqdə nüvə silahının olmaması üçün bu razılığın şərtlərinə mütləq əməl etməlidir.