Amerika lideri Donald Tramp əslində 2016-cı il prezident seçkilərini uduzdu, amma ona Ağ Evi tutmağa ruslar kömək etdi.

Publika.az xəbər verir ki, bu haqda ABŞ-ın sabiq prezidenti Cimmi Karter bildirib.

“Hesab edirəm ki, dəyərli araşdırma Trampın əslində 2016-cı ildə seçkilərdə qalib gəlmədiyini göstərərdi. O, seçkiləri uduzdu və onu hakimiyyətə gətirib çıxardılar, çünki ruslar onun adından müdaxilə etdilər”, - 94 yaşlı keçmiş prezident deyib.

Qeyd edək ki, 2016-cı il prezident seçkilərinə müdaxilə ilə bağlı ABŞ-da hələ də Rusiya ittiham edilir. Moskva ittihamları dəfələrlə rədd edib və onları tamamilə əsassız adlandırıb.