Rusiya Prezidenti Vladimir Putin və Türkiyə lideri Rəcəb Tayyib Ərdoğan Osakada G20 sammiti çərçivəsində görüş keçiriblər.

Axar.az-ın TASS-a istinadən xəbərinə görə, danışıqlar zamanı dövlət başçıları Rusiya istehsalı olan S-400 zenit-raket komklekslərinin Ankaraya tədarükünü müzakirə ediblər.

Ərdoğan qeyd edib ki, S-400 sistemlərinin tədarükü vaxtında olacaq:

“Birgə raket istehsalı və texnologiyar mübadiləsi Türkiyə üçün böyük əhəmiyyət kəsb edir”.

Qeyd edək ki, Rusiya və Türkiyə arasında S-400 zenit-raket komplekslərinin tədarükü barədə razılıq 2017-ci ilin payızında əldə olunub. Müqavilənin dəyəri 2,5 milyard dollar təşkil edir və bu məbləğin yarısı Rusiya krediti ilə ödəniləcək.