Səfiri tanımıram, ancaq mənə deyiblər ki, o, özündənrazı bir axmaqdır.

Axar.az xəbər verir ki, bu sözləri ABŞ Prezidenti Donald Tramp Tvitter hesabında Böyük Britaniyanın Vaşinqtondakı səfiri Kim Darrokla bağlı yazıb.

“Böyük Britaniyanın ABŞ-a təyin etdiyi dəli səfir hamının sevdiyi biri deyil, o, axmaq oğlandır”, - Tramp bildirib.

Xatırladaq ki, Britaniyanın Vaşinqtondakı səfiri Kim Darrok ABŞ prezidenti ilə bağlı hazırladığı hesabatda Donald Trampı “bacarıqsız” və “utancverici” adlandırdığı bildirilir. Bunun mediada yayılmasından sonra isə Tramp səfirə qarşı bir-birinin ardınca ağır ifadələr işlədir.