Türkiyənin jandarma və polis bölmələri ilin əvvəlindən bu yana keçirilən əməliyyatlar zamanı PKK terror qruplaşmasının lider heyətindən 64 terrorçunu zərərsizləşdirib.

Axar.az xəbər verir ki, sözügedən 64 terrorçudan 54-nün adı “Axtarış siyahısı”nda olub.

Ümumilikdə isə Türkiyənin təhlükəsizlik qüvvələri ilin əvvəlindən etibarən 679 terrorçunu zərərsizləşdirib. Əməliyyatlar zamanı öldürülən terrorçulardan 3-nün adı “Qırmızı”, 5-nin adı “Mavi, 1-i “Yaşıl”, 8-nin “Narıncı” və 37-nin isə “Boz” siyahıda olub.