S-400 zenit raket komplekslərinin ilk detallarını daşıyan təyyarələr bu gün yerli vaxtla saat 10:20 radələrində Ankaraya enib.

Axar.az xəbər verir ki, Türkiyənin “Habertürk” nəşri S-400-lərin çatdırılmasına dair vacib bir məqamı ortaya çıxarıb.

Məlumata görə, ilk mərhələdə yalnız raket və buraxılış qurğusu parçalarının gəlməsi planlaşdırılıb. Radar sisteminin isə S-400-lərin qurulmasından sonra Türkiyəyə gətirilməsi nəzərdə tutulub. Ancaq Aralıq dənizinin şərqindəki hadisələrdən sonra aparılan diplomatik danışıqlar nəticəsində Türkiyə tərəfi ilk mərhələdə S-400-lərin radar sistemlərinin ölkəyə gətirilməsinə nail olub.