Əgər rusiyalıların təhlükəsizliyi üçün təhdidlər ortadan qaldırılsa, Rusiya Gürcüstana münasibətdə qəbul edilən qərarların ləğvi imkanlarını nəzərdən keçirə bilər.

Axar.az xəbər verir ki, bunu “Arqumenti i Faktı” qəzetinə müsahibəsində Rusiya Xarici İşlər naziri Sergey Lavrov deyib. Onun sözlərinə görə, Moskva Tiflisin ölkədəki ictimai-siyasi situasiyanı stabilləşdirə biləcəyinə ümid edir. O, Moskvanın Gürcüstan vətəndaşlarının rifahı üçün əməkdaşlıq etdiyini bildirib.

Lavrov həmçinin ölkədə yaşanan bütün proseslərin Gürcüstanın daxili işi olduğunu və Moskvanın bu prosesə müdaxilə etməyə hazırlaşmadığını deyib.