İngiltərədə illərdir bitməyən mübahisə yenidən alovlanıb.

Axar.az Teleqraf qəzetinə istinadən xəbər verir ki, Uels şahzadəsi Diananın 5 il boyu böyük eşq yaşadığı iddia edilən və o dövr ingilis ordusunda kapitan olaraq çalışan Ceyms Hevitin Şahzadə Harrinin doğma atası olub-olmadığı söhbəti yenidən gündəmə gəlib.

Bu məsələnin yenidən gündəmə gəlməyinə səbəb bir teatr tamaşasında Hevitin dilindən deyilən bu sözlər olub: "Diana ilə münasibətimiz Harri doğulmadan 1 il əvvəl başlamışdı. Amma bu münasib olmayan (utandırıcı) həqiqətdir".

"Yalanlar, həqiqətlər, Diana" adlı tamaşanın ssenaristi Con Konvey Hevitin bu sözləri ona özünün dediyini və üstəlik bu cümlələri tamaşanın ssenarisində də yazmağına icazə verdiyini deyib.

Şahzadə Çarlzın əslində Harrinin doğma atası olmadığı illərdir müzakirə edilən bir iddiadır.

Qeyd edək ki, Şahzadə Diana 1997-ci ildə Fransanın paytaxtı Parisdə düşdüyü yol qəzasında həlak olub.