Türkiyə öz məqsədləri üçün Qərbi tərk etdi.

Axar.az xəbər verir ki, bu barədə “Blumberq” saytı məlumat yayıb.

Hətta sayt daha da irəli gedərək, Türkiyə xarici siyasətini provokasiyalı, təcavüzkar və qərarsız adlandırıb:

“Ötən illərdə Rəcəb Tayyib Ərdoğan Avropa və NATO-ya qarşı daha aqressiv davrandı. Vaşinqtonun xarici siyasətlə məşğul olan rəsmiləri səbir çağırışı etdi. Ərdoğanın açdığı “yaylım atəşi” Türkiyənin Qərbi tərk etməsinə yetərli olmayacaq qədər kiçik anlaşılmazlıq kimi görünürdü. Artıq böyük anlaşılmazlığı qəbul etməyin vaxtı gəldi: Türkiyə bütün məram və məqsədi ilə Qərbi tərk etdi”.

Yazıda qeyd edilir ki, Türkiyənin S-400 almaq qərarı NATO-nun “gözlərinə barmaq soxmaq” anlamına gəlir.

Qeyd edək ki, bu antitəbliğata baxmayaraq, ABŞ Prezidenti Tramp S-400-lərdən dolayı Türkiyəyə sanksiya qərarının müzakirə edilmədiyini açıqlayıb.