Avropa Birliyi Türkiyə ilə əldə edilən miqrasiya sazişini nəzərə almalı və bu ölkəyə qarşı mövqeyində diqqətli olmalıdır.

Axar.az xəbər verir ki, bu sözləri Rusiyanın Avropa Birliyindəki daimi nümayəndəsi Vladimir Çijov bildirib.

Çijov Türkiyəyə sanksiya tətbi ediləcəyi halda Kipr probleminin dərinləşəcəyini söyləyib. Bundan əlavə, o, ABŞ-ın xarici siyasətində yeganə variantın sanksiya olduğunu qeyd edib: "Gərginliyin azaldılması və dialoqun qurulması lazımdır. Rusiya BMT Təhlükəsizlik Şurasının daimi üzvü olaraq, həmişə TŞ-dəki 5 daimi üzvün danışıqlara cəlb edilməsini təklif edib. Ancaq bəzi ölkələr bunu istəmir".

Qeyd edək ki, Çijov bundan öncəki açıqlamasında AB-nin Türkiyəyə sanksiya tətbiq etmək hüququnun olmadığını bildirmişdi.