18:31

Ərbildə Türkiyə diplomatına sui-qəsd törətməkdə təqsirli bilinən 4 nəfər yaxalanıb.

Axar.az xəbər verir ki, bu barədə Ərbil Polis İdarəsi məlumat yayıb. Açıqlamada hücumu təşkil edən PKK üzvü Məzlum Dağ və digər 3 nəfərin təhlükəsizlik qüvvələri tərəfindən yaxalandığı bildirilib.

Saxlanılan digər 3 nəfər barədə ətraflı məlumat verilməyib.

Qeyd edək ki, Ərbildə restoranlardan birində gerçəkləşdirilən hücum zamanı bir türk diplomat şəhid olmuş, 2-si yaralanmışdı.

Hücumu həyata keçirən şəxslərdən birinin əslən Diyarbəkirdən olan 27 yaşlı Məzlum Dağ adlı şəxsin PKK üzvü olduğu məlum olmuşdu.

***

Ərbildə türkiyəli diplomata sui-qəsd təşkil edən PKK üzvü Məzlum Dağa yardım edən daha bir nəfər saxlanılıb.

Ərbil Polis İdarəsi yaydığı açıqlamada yaxalanan şəxsin “Dıjvar Mamend Yusif” kod adı ilə tanınan Məhəmməd Bisksız olduğu bildirilib.