Ana səhifə Planet |
"Azərros" daxilində baş verən proseslər və qurumdan narazılıq davam etməkdədir.
Axar.az xəbər verir ki, az öncə "Azərros"un prezidenti Asif Məhərrəmovdan narazılığın pik səviyyəyə qalxdığı və buna görə də yanvarın 17-də növbədənkənar qurultay çağırılması üçün təşəbbüs qrupunun müraciəti haqda xəbər yayıldı. Bunun ardınca isə APA "Azərros" Federal Milli Mədəni Muxtariyyətinin mətbuat xidmətinə istinadla A.Məhərrəmovun artıq istefa ərizəsi yazdığı informasiyasını təsdiqləyib. A.Məhərrəmov sağlamlığı ilə əlaqədar istefa ərizəsi yazıb və "Azərros" Federal Şurasının sədri Mehriban Sadıqovaya təqdim edilib.
Görünür, növbədənkənar qurultay təşəbbüskarlarının A.Məhərrəmovla bağlı narazılığına rəhbərlikdə təmsil olunan digər şəxslərin də əlavə olunmaması üçün önləyici tədbirlər alınmasına başlanılıb.
Qeyd edək ki, "Azərros" Federal Milli Mədəni Muxtariyyətin bir qrup üzvü növbədənkənar qurultayın keçirilməsi təşəbbüsü ilə çıxış edib. Qurultaya hazırlıq işləri ilə bağlı yaradılan Təşkilat Komitəsinin sədri Tahir Hacıyevin imzası ilə Mehriban Sadıqovaya və Asif Məhərrəmova ünvanlanan məktubda təşəbbüskarları bu addıma vadar edən səbəblərdən bəhs olunub. Onların narazılığı A.Məhərrəmovun fəaliyyəti və davranışındandır.
Xatırladaq ki, 2013-cü il yanvarın 25-də təşkilatın V qurultayı keçirilib. Qurultayda Ağsaqqallar Şurası yaradılıb. Ağsaqqallar Şurasına Abbas Abbasov sədr seçilib. A.Məhərrəmovu da prezidentliyə namizəd olaraq A.Abbasov irəli sürüb və onun təqdiqlənməsinə nail olub.
Tarix
2014.12.30 / 21:10
|
Müəllif
Axar.az
|