Türkiyənin Xarici İşlər naziri Mövlud Çavuşoğlu milli futbolçu Merih Dəmiralın viza problemini həll edib.

Axar.az xəbər verir ki, bu barədə Türkiyə mətbuatı yazıb.

Məlumata görə, əvvəlcə İtaliya çempionatında “Yuventus”un şərəfini qoruyan futbolçu Merih Demiralın komandanın Çindəki təlim-məşq toplanışına viza problemi səbəbindən qatılmayacağı açıqlanıb. Lakin Türkiyənin XİN rəhbərinin məsələyə müdaxiləsindən sonra Merih Dəmirala Çin vizası verilib.

Xatırladaq ki, 21 yaşlı türk futbolçu 18 milyon avro qarşılığında “Sassuolo”dan “Yuventus”a transfer olmuşdu.