Liviya Milli Ordusuna məxsus hərbi təyyarə Tunisin cənubundakı avtomobil yoluna eniş edib.

Axar.az xəbər verir ki, bu barədə məlumatı “Əl Arabiya” televiziyası yayıb. Təyyarənin hansı səbəbdən Tunisə keçərək burada eniş etdiyi açıqlanmayıb.

Qeyd edək ki, Liviya Milli Ordusuna Xəlifə Haftar rəhbərlik edir. Haftarın rəhbərlik etdiyi qüvvələr bir müddət əvvəl Tripoliyə hücuma başlayıb və nəticədə Liviya Milli Hökumətinin qüvvələri ilə toqquşmalara start verilib. İndiyə qədər baş tutan döyüşlər nəticəsində 1050 nəfər ölüb, 5500 nəfər yaralanıb.